माओवादीका ३ नेताको संयुक्त ‘नोट अफ डिसेन्ट’ यस्तो !

CLICK AND JOIN NOW – REEL MANDU (ताजा समाचार र जानकारीको लागि अहिले हामीसंग जोडिनुहोस )

काठमाडौँ – नेकपा माओवादी केन्द्रका ३ नेताले राखेकाे अमेरिकी सहयोग परियोजना एमसीसीबारेकाे ‘नोट अफ डिसेन्ट’ अर्थात् फरक मत छलफलका लागि केन्द्रीय समिति बैठकमा पेश भएकाे छ ।

सुरुदेखि एमसीसीको विरोधमै रहेको माओवादीले अन्तिम समयमा व्याख्यात्मक घोषणासहित पारित गर्न तयार भएको थियो । पार्टी नेतृत्वको उक्त निर्णयप्रति माओवादी नेताहरू लीलामणि पोखरेल, देव गुरुङ र कृष्ण बहादुर महराले नोट अफ डिसेन्ट राखेका हुन् ।

संयुक्त रुपमा रहेको उक्त नोट अफ डिसेन्ट जारी केन्द्रीय समिति बैठकमा अध्यक्ष प्रचण्डले छलफलका लागि भन्दै आज पेश गरेका छन् । यद्यपि उक्त नोट अफ डिसेन्टमाथि छलफल भने आगामी स्थानीय तह निर्वाचनपछि मात्रै हुने बताइएको छ ।

यही फागुन १८ गते पार्टी कार्यालयमा पेश गरिएको उक्त नोट अफ डिसेन्टमा फागुन १५ गते संसदबाट व्याख्यात्मक घोषणासहित एमसीसी अनुमोदन गर्ने पार्टीको निर्णयप्रति असहमति तथा असुन्तुष्टि राखिएको जनाइएकाे छ ।

एमसीसी पारितकाे पक्षमा उभिएपछि पार्टीभित्र तीव्र अन्तरविराेध देखिएकाे छ । वरिष्ठ नेता नारायणकाजी श्रेष्ठले पनि असन्तुष्टि र सअहमति पेश गरिरहेका छन् ।

रील माण्डुमा प्रकाशित सामग्रीबारे कुनै गुनासो, सूचना तथा सुझाव भए  हामीलाई  reelmanduofficial@gmail.com मा पठाउनु होला।

सेयर गर्नुहोस

प्रतिक्रिया दिनुहोस !