कांग्रेसका शीर्ष नेताहरुको यस्तो चेतावनीले प्रचण्ड रुष्ट, देउवा अप्ठ्यारोमा

CLICK AND JOIN NOW – REEL MANDU (ताजा समाचार र जानकारीको लागि अहिले हामीसंग जोडिनुहोस )

काठमाडौं– आगामी निर्वाचनमा गठबन्धन नगर्ने भन्दै नेपाली कांग्रेसका शीर्ष नेताहरुले दिएको अभिव्यक्तिप्रति माओवादी केन्द्रका अध्यक्ष पुष्पकमल दाहाल ‘प्रचण्ड’ले आपत्ति जनाएका छन् ।

माओवादीकै बलमा कांग्रेसको नेतृत्वमा सरकार बनेको स्मरण गर्दै उनले अपमानजनक रुपमा कांग्रेसका नेताहरुले दिएको अभिव्यक्तिप्रति असन्तुष्टि जनाएका हुन् ।

एमसीसी सम्झौता संसद्बाट पारित गर्ने क्रममा कांग्रेसका सांसद डा। मीलेन्द्र रिजालले माओवादीलाई नीतिलाई लक्षित गर्दै अभिव्यक्ति दिएका थिए । रिजालको अभिव्यक्तिले माओवादीका नेताहरु असन्तुष्ट बन्दै आएका छन् ।

अन्तिम अवस्थामा माओवादीले एमसीसी पारित गर्ने निर्णय गरेको भन्दै रिजालले संसदमा माओवादीको धज्जी उडाउने गरी अभिव्यक्ति दिएका थिए ।

माओवादीले आगामी स्थानीय प्रदेशसँगै संघीय निर्वाचनमा पनि गठबन्धन बनाएरै अघि जानु पर्ने नीति लिएको छ । तर कांग्रेसका उपसभापति धनराज गुरुङले गठबन्धन गर्ने विषयलाई हात्तीको कानमा चमेराको बास भन्ने व्याग्य गरेका थिए ।

कांग्रेसका महामन्त्री गगन थापा, नेता डा। शेखर कोइराला लगायतका शीर्ष नेताहरु गठबन्धन नगरी एक्लै चुनाव लडनु पर्ने पक्षमा उभिदै आएका छन् ।

मंगलवार कांग्रेसको केन्द्रीय समितिको बैठकमा प्रधानमन्त्रीसमेत रहेका पार्टी सभापति शेरबहादुर देउवाले गठबन्धनको चित्त दुख्ने गरी अभिव्यक्ति नदिन निर्देशन दिएका थिए ।

सत्ता सहयात्री दल कांग्रेसबाट अपमान हुने अभिव्यक्ति आएपछि प्रचण्डले माओवादीकै कारण कांग्रेसले सरकारको नेतृत्व गर्ने अवसर पाएकाले अपमानित हुने अभिव्यक्ति नदिन चेतावनी दिएका थिए ।

पार्टीको वागमती प्रदेशस्तरीय विस्तारित बैठकलाई गोदावरीमा सम्बोधन गर्दै अध्यक्ष प्रचण्डले कांग्रेसका नेताहरुले आफूहरुलाई हात्तीको कानमा बसेका चमेरा भन्ने तथा गठबन्धन गरेर चुनाव जिताइदिने जिम्मा नलिने भनी दिएको अपमानजनक अभिव्यक्ति सह्य नहुने चेतावनी दिए ।

कांग्रेसलाई आफूहरुले सत्ताको सिंहासनमा पुर्याएको बताउदै उनले गठबन्धनविरुद्धका अभिव्यक्ति र माओवादी केन्द्र तथा नेकपा एसलाई अपमान गर्ने कुरा सैह्य नहुने बताए ।

‘हामीलाई अपमान सैह्य हुन्न । अघिल्लो चुनावकै परिणाम हेर्ने हो भने पनि प्रत्यक्षतर्फ कांग्रेसभन्दा हाम्रो १० सिट बढी छ । त्यस्तो पार्टीलाई उचालेर सिंहासनमा राख्दा अहिले उसले हाम्रो अपमान गर्ने रु यस्तो सैह्य हुन्न ।’ प्रचण्डले भने । कांग्रेसका केही नेताले त्यस्तो अभिव्यक्ति दिए पनि चुनवासम्मै गठबन्धन कायम रहने प्रचण्डले कार्यकर्तालाई विश्वास दिलाए ।

रील माण्डुमा प्रकाशित सामग्रीबारे कुनै गुनासो, सूचना तथा सुझाव भए  हामीलाई  reelmanduofficial@gmail.com मा पठाउनु होला।

सेयर गर्नुहोस

प्रतिक्रिया दिनुहोस !