‘अरु पार्टीको मात्र अध्यक्ष हुन्, म राष्ट्रकै अध्यक्ष हुँ’ – प्रचण्ड

CLICK AND JOIN NOW – REEL MANDU (ताजा समाचार र जानकारीको लागि अहिले हामीसंग जोडिनुहोस )

काठमाडौं – नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले पार्टीको मात्र नभएर सिंगै राष्ट्रको अध्यक्षको जिम्मेवारी आफ्नो टाउकोमा रहेको अनुभूति हुने गरेको बताएका छन्।

भरतपुर महानगरपालिकाको नयाँ प्रशासनिक भवनको शिलान्यास कार्यक्रमलाई शुक्रबार सम्बोधन गर्दै उनले देशमा कुनै अफ्ठ्यारो पर्‍यो भने जसरी-तसरी बचाउने भारी बोकेर बसिरहेको अनुभूति हुने गरेको बताए।

‘म माओवादी केन्द्रको अध्यक्ष छु। दुई पटक देशको प्रधानमन्त्री भएँ। तर मलाई माओवादी केन्द्रको अध्यक्षजस्तो मात्रै लाग्दैन अचेल। सिंगै राष्ट्रको जिम्मेवारी मेरो टाउकोमा छ जस्तो लाग्छ,’ उनले भने, ‘देशमा संकट आयो, देशमा जस्तो हुन्छ, त्यो संकटबाट टार्नुपर्ने हुन्छ।’

उनले नेपाली कांग्रेसका नेता गिरिजाप्रसाद कोइरालाको अनुपस्थितिमा एक्लै भारी बोक्नु परेकोजस्तो भइरहेको बताए। चितवनमा नेपाली कांग्रेसले एक्लै-एक्लै चुनावमा जाने बताइरहँदा गृह जिल्ला आइपुगेका प्रचण्डले आफ्नै-आफ्नै ढंगले गएको भए देशमा शान्ति प्रक्रिया हुन्थ्यो कि हुन्थेन सोच्न आग्रह गरे।

उनले आफ्नै-आफ्नै ढंगले गएको भए शान्ति प्रक्रिया, संविधानसभा, संविधान केही पनि नबन्ने बताए। ‘आजभोलि केही साथीहरू भन्न थाल्नुभा’छ मिलेर जाने होइन आफ्नै आफ्नै ढंगले जानपर्छ भन्न थाल्नुभएको छ। ठिकै छ आफ्नै आफ्नै ढंगले जाने हो भने पनि हामीलाई कुनै आपत्ति छैन, त्यसरी जानपनि सकिन्छ,’ उनले भने,

‘गिरिजाप्रसाद कोइरालाले जीवनको उत्तरार्द्धमा सहमति, सहकार्य र एकता मात्रै किन भनेको होला, नबुझेर त होइन होला नि?’ उनले प्रष्टै नभने पनि भरतपुरमा यसपटक पनि स्थानीय निर्वाचनमा गठबन्धन हुनुपर्ने आशय प्रकट गरेका थिए।

अध्यक्ष प्रचण्डले भाषणको अधिकांश समय मेयर रेनु दाहालको कामको प्रशंसामा खर्चिएका थिए। उनले भरतपुर महानगरमा भएको विकासको विषयमा स्थानीय राजनीतिक दलले बोल्न हिचकिच्याउने गरेको बताए।

भरतपुरको विकासको विदेशीले पनि प्रशंसा गर्ने गरेको दाबी गर्दै उनले स्थानीय दलहरूले भने त्यो भन्न नसकेको बताए। मतदाता नामावली प्रकाशनको अन्तिम तयारी, केही घट्न सक्ने आयोगको आङ्कलन

निर्वाचन आयोगले अन्तिम मतदाता नामावली प्रकाशन गर्ने तयारी गरेको छ । यही चैत १३ गते प्रकाशनका लागि आयोगले नामावली रुजु गर्ने, कम्प्युटरमा अपलोड गर्ने लगायतका काम गरिरहेको आयोगका प्रवक्ता शालिग्राम शर्मा पौडेलले जानकारी दिए ।

यसअघि कायम रहेको मतदाता संख्यामा केही कमी आउने आयोगले अनुमान गरेको छ । मतदाता नामावलीमा रहेका मृतक, नागरिकता त्याग गरेका र दुई स्थानको मतदाता नामावलीमा नाम रहेकाहरुको नाम हटाइने भएकोले केही संख्या घट्ने प्रवक्ता पौडेलले बताए ।

उनले भने– ‘विभिन्न कारणले नागरिकता त्याग गरेकाहरु वा खोसिएकाहरु, मृत्यु भएका व्यक्तित्वहरुको नाम हटाउँदा र दुई ठाउँको मतदाता नामावली भएकाहरुको नाम हाम्रो सिस्टमले हटाउने गर्छ । त्यस्ता ब्यक्तिको नाम हटाउँदा केही घटेर अन्तिम मतदाता नामावली प्रकाशन हुन्छ ।’

दावी विरोध पूर्वको अवस्थामा मतदाता नामावलीमा करिब १ करोड ७७ लाख मतदाता रहेका छन् । आयोगले कूल मतदाता संख्याको १० देखि १५ प्रतिशत बढी मात्रामा मतपत्र प्रकाशन गर्ने तयारी गरेको छ ।

आयोगका अनुसार आगामी स्थानीय तह निर्वाचनका लागि २ करोडको संख्यामा मतपत्र छापिनेछ । मतपत्र छपाईका लागि जनक शिक्षा सामग्री केन्द्रसँग छलफल भइरहेको आयोगको भनाई छ ।

यसैबीच आयोगका प्रमुख निर्वाचन आयुक्त तथा आयुक्तहरु देशका विभिन्न भागमा पुगेर निर्वाचन आचार संहिता सचेतना सम्बन्धी कार्यक्रममा सहभागी भइरहेका छन् । उनीहरुले सातै प्रदेशमा पुगेर राजनीतिक दल तथा सरकारी कर्मचारीहरुका बिचमा सो कार्यक्रम गरिरहेका हुन् ।

रील माण्डुमा प्रकाशित सामग्रीबारे कुनै गुनासो, सूचना तथा सुझाव भए  हामीलाई  reelmanduofficial@gmail.com मा पठाउनु होला।

सेयर गर्नुहोस

प्रतिक्रिया दिनुहोस !