एमालेसंग किन फेरी भड्किए भिम रावल, नेकपा (एस)मा फर्किन लाग्या हुन ?

CLICK AND JOIN NOW – REEL MANDU (ताजा समाचार र जानकारीको लागि अहिले हामीसंग जोडिनुहोस )

काठमाडौं। नेकपा एमाले उपाध्य्रक्ष भीम रावल फेरि भड्किएका छन् । उनले एमाले छाडेर एकीकृत समाजवादी पार्टीमा प्रवेश गर्ने संकेत गरेका हुन् ।

उनको संकेतले माधव नेपाल निवास कोटेश्वरमा समेत खुसीयाली छाएको स्रोत बताउँछ । नेकपा (एमाले) का उपाध्यक्ष डा. भीमबहादुर रावलले दश बुँदे सहमति अझै कतिपय ठाउँमा कार्यान्वयन नभएको गुनासो पोखेका हुन् ।

उनले आफूहरु धेरै ठूलो जोखिम मोलेर १० बुँदे सहमति गरेको खुलासा गरे । आज विहान नेपाली रेडियो नेटवर्कबाट प्रसारण भएको नेपाली बहस कार्यक्रममा पत्रकार ऋषि धमलासँग कुरा गर्दै उनले यस्तो बताएका हुन् । उनले दश बुँदे पार्टीका बैठकबाट अनुमोदन भैसकेको पनि स्पष्ट पारे ।

उनले एमालेलाई बलियो बनाउनको लागि नै आफूहरुले दश बुँदे सहमति गरेको सुनाए । उनले आफूहरुले पार्टी फुटाउनको लागि वा व्यक्तिगत स्वार्थको लागि दश बुँदे सहमति नगरेको पनि जिकिर गरे ।

उनले भने, हाम्रो उद्देश्य भनेको देश जोगाउने हो । म त नवौं महाधिवेशनमा निर्वाचित उपाध्यक्ष हुँ । हामीसँग दश जनामात्रै होईन, हजारौं पँक्ति छ । लाखौ देशभक्त कार्यकर्ता छन् ।

उनले अहिले एमालेका कतिपय नेताले दश बुँदे सहमति कार्यान्वयन नगर्ने, बरु छोडेर गएपनि जाउन् भन्ने खालको अभिव्यक्ति दिन थालेकोमा चिन्ता व्यक्त गरे ।

यस्तै, नेकपा एमालेको सिंगो कमिटी नेकपा माओवादी केन्द्रमा प्रबेश गरेको छ । बागलुङको गलकोट–२ नरेठाँटीको एमाले कमिटी माओवादीमा प्रबेश गरेको हो ।

उक्त कमिटिलाई गण्डकी प्रदेशका भूमी व्यवस्था, कृषि, सहकारी तथा गरिवी निवारण मन्त्री चन्द्रबहादुर बुढामगर (सागर)ले विभिन्न समय र परिस्थीतिमा नेतृत्व पङ्तीले गलत निर्णय लिँदा जनभावनाको कदर नभएको भन्दै जनस्तरबाट धुब्रिकरण सुरु भएको बताए ।

गलकोट नगरपालिका– २ मा एमालेबाट आएकालाई उचित जिम्मेवारी दिन कार्यदल बनेको छ । उक्त कार्यदलले बाँकी कामहरु छिटो सम्पन्न गर्ने कार्यभार पाएको छ ।

मन्त्री सागरले कम्युनिष्ट पार्टीको ध्रुबिकरणलाई मजबुद बनाउँदै नरेठाँटीबाट सुरु भएको एकता अभियानलाई सबै वडा, सबै पालिकाहरुमा अगाडि बढाउनुपर्ने आवश्यकता रहेको बताए ।

उनले नेकपाको विभाजनमा स्वदेशी र विदेशी शक्तिहरुको चलखेलको प्रभावले काम गरेको भन्दै जनस्तरबाट पार्टी एकता गरेर जनभावनाको कदर गर्नुपर्नेमा जोड दिए । उनले जनताको आकांक्षा पुरा भए नभएको र चुनावी घोषणाको समिक्षा गदै आगामी दिनमा पार्टी संगठन रुपान्तरण र सुदृढिकरण गर्नुपर्ने बताए ।

उनले आफू सांसद भए पछिका योजनाहरु तथा कामहरुको बारेमा समष्टिगत विवरण सार्वजनिक गर्ने तयारीमा रहेको बताए । मन्त्री बुढामगरले गण्डकी सरकारले कारोनाबाट मृत्यु भएका परिवारलाई आवश्यक सहयोग गर्ने नीति लिएकोले सुचिकृत गर्ने काम चलिरहेको बताए ।

उनले गण्डकी प्रदेशलाई खोपयुक्त प्रदेश बनाउने उद्देश्यले सबै नागरिकलाई खोपको व्यवस्था गर्ने काममा सरकार जुटेको बताए । गलकोटसहितका आम कृषकलाई प्रविधि र सिप हस्तान्तरणको लागि आफ्ले सक्दो पहलकदमी लिने विश्वास समेत व्यक्त गरे ।

कार्यक्रममा नेपाल कम्युनिष्ट पार्टी माओवादी केन्द्रका प्रदेश सचिवालय सदस्य ज्ञामनाथ गैरे, गलकोट नगरपालिकाका ईन्चार्ज फमलाल निउरे, नेकपा एमालेका जिल्ला सचिवालय सदस्य तथा कार्यदलका संयोजक बुलबहादुर केसी, नेकपा माओवादी केन्द्र गलकोट नगर कमिटी अध्यक्ष ललित श्रीस लगायतले शुभकामना मन्तब्य राखेका थिए ।

भेलामा नेकपा एमाले र माओवादी केन्द्रबीच एकताका सम्पूर्ण काम सम्पन्न गर्न ९ सदस्यीय कार्यदल बनाइएको छ । एकता कार्यदलका संयोजकमा नेकपा एमालेबाट बुलबहादुर केसी रहेका छन् भने, सदस्यहरुमा एमालेबाट चिन्त नेपाली, टंक कार्की र यामबहादुर बस्नेत रहेका छन् । माओवादी केन्द्रबाट चन्द्र दत्त रेग्मी, मनोज पुन, जीतबहादुर केसी, प्रेमबहादुर कुवँर, रामबहादुर कुवँर रहेका छन् ।

रील माण्डुमा प्रकाशित सामग्रीबारे कुनै गुनासो, सूचना तथा सुझाव भए  हामीलाई  reelmanduofficial@gmail.com मा पठाउनु होला।

सेयर गर्नुहोस
  • 566
  •  
  •  
  •  
  •  
  •  
  •  
  •  
    566
    Shares

प्रतिक्रिया दिनुहोस !