प्रचण्ड भन्छन ‘गुण्डाहरुले पनि माओवादीलाई सजिलै हेप्न थाले’

CLICK AND JOIN NOW – REEL MANDU (ताजा समाचार र जानकारीको लागि अहिले हामीसंग जोडिनुहोस )

काठमाडौं। नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ ले अहिले काम न काजका गुण्डाहरुले माओवादीलाई सजिलै हेप्न थालेको बताएका छन् ।

उनले केपी शर्मा ओलीले नै माओवादीका एजेण्डाहरु उल्टाउने षड्यन्त्र गरेको टिप्पणी गरेका छन् । आज (बिहीबार) नेपाल सम्वत् प्रवर्तक, राष्ट्रिय विभुति शंखधर साख्वास् को प्रतिमामा माल्यार्पण तथा नेपाल संवत् ११४२ तथा नेपाली चाडपर्वको अवसरमा नेकपा (माओवादी केन्द्र) मध्यपुर थिमि नगर कमिटिद्वारा आयोजित शुभकामना आदनप्रदान कार्यक्रममा सम्बोधन गर्दै अध्यक्ष दाहालले यस्तो बताएका हुन् ।

उनले एमाले र माओवादी केन्द्रबीच भएको एकता गल्ती नभएको जिकिर गरे । उनले पछि नेकपाकालिन समस्यामा संघर्ष गर्दा पनि आफूहरु विजयी भएको स्मरण गराए । उनले प्रतिक्रान्ति कम्युनिष्ट पार्टीबाट नै हुने गरेको सुनाए ।

अब हुने चुनावमा एमालेलाई कुचो लगाएर बढार्ने होः गगन थापा – सत्तारूढ नेपाली कांग्रेसका केन्द्रीय सदस्य गगन थापाले अब हुने चुनावमा नेकपा एमालेलाई हराउनुपर्ने बताएका छन्।

भक्तपुरको सूर्यबिनायक नगरपालिका वडा नम्बर ७ गुण्डुमा आज आयोजित कार्यक्रममा बोल्दै थापाले एमालेलाई स्थानीय तह, प्रदेश र केन्द्रमा अब हुने चुनावमा हराउनुपर्ने बताए। ‘यसपटकको चुनावमा नेकपा एमालेलाई कुचो लगाएर बढार्ने हो। बढार्दा कुनाकाप्चामा धुलो अड्कियो भने भ्याकुम लगाउने हो,’ थापाले भने।

विगतमा पनि कांग्रेस एक्लै निर्वाचन लड्दा पहिलो पार्टी बनेको थापाले बताए। नेकपा एमालेकाअध्यक्ष केपी शर्मा ओलीले एमालेसँग एक्लाएक्लै प्रतिस्पर्धामा आउन केही समयअगाडि चेतावनी नै दिएका थिए।

‘सिङ्गल-सिङ्गल लड्ने भनेको होइनरु हामी विगतमा सिङ्गल नै लडेर पहिलो पार्टी बनेको हो,’ उनले भने। उनले कांग्रेसले अहिले सरकारको नेतृत्व लिएको र जिम्मेवारी पूरा गरिने बताए।

प्रधानमन्त्रीसमेत रहेका सभापति शेरबहादुर देउवालाई आफूले दुई पटक भेटेर सरकारले गरेका राम्रा र नराम्रा कामबारे जानकारी गराएको र नराम्रा काम नगर्न आग्रह गरेको पनि थापाले बताए।

उनले एमाले पार्टी नभई ओली एन्ड कम्पनी भएको आरोप लगाए। ‘एमालेमा फरक मत राख्ने दुई जना मात्रै देख्छु। भीम रावल र घनश्याम भुसाल। बाँकी कोही हुनुहुन्न,’ उनले भने, ‘एमाले फुट्यो अहिले ओली एन्ड कम्पनी भएको छ।’

उनले अर्ली इलेक्सन नहुने पनि बताए। बरू वैशाखमा स्थानीय तहको चुनाव हुने उनको भनाइ छ। पार्टीको १४ औं महाधिवेशन मंसिरमा हुने र पुस २ भित्र निर्वाचन आयोगमा १४ औं महाधिवेशनपछि आएको कार्यसमिति दर्ताका लागि जाने पनि उनले बताए। राष्ट्रिय सभाको रिक्त हुने सदस्य पदमा चुनाव हुँदैछ भने प्रतिनिधि सभा र प्रदेश सभाका रिक्त पदमा पनि उपनिर्वाचनको तयारी छ।

रील माण्डुमा प्रकाशित सामग्रीबारे कुनै गुनासो, सूचना तथा सुझाव भए  हामीलाई  reelmanduofficial@gmail.com मा पठाउनु होला।

सेयर गर्नुहोस
  • 327
  •  
  •  
  •  
  •  
  •  
  •  
  •  
    327
    Shares

प्रतिक्रिया दिनुहोस !