प्रधानमन्त्री देउवालाई आफ्नै घरमा प्रबेश निशेध !

CLICK AND JOIN NOW – REEL MANDU (ताजा समाचार र जानकारीको लागि अहिले हामीसंग जोडिनुहोस )

काठमाडौँ – अघिल्लो साता काँग्रेस मुख्यसचिव कृष्णप्रसाद पौडेलले पार्टी कार्यालय सानेपामा केन्द्रीय कमिटीको बैठक बस्न लागेको भन्दै सम्बन्धितलाई खबर पठाए भने मिडियालाई पनि सोही जानकारीसहित विज्ञप्ति जारी गरे ।

तर आइतबार बैठक भने प्रधानमन्त्री तथा पार्टी सभापति शेरबहादुर देउवाको निजी निवास बूढानीलकण्ठमा राखियो । पार्टी कार्यालयमा कार्यकर्ताको धर्नालगायतका कारणले गर्दा बैठक सानेपाबाट बूढानीलकण्ठमा सारिएको बताएका छन् ।

रौतहटका कार्यकर्ताले क्रियाशिल सदस्यतामा असन्तुष्टि जनाउँदै १०० भन्दा बढी दिनदेखि अनसन गर्दै आएका छन् । पार्टी कार्यालयमा अनसन र असहज अवस्थाको सम्बोधन गर्नुको साटो देउवाले बैठक स्थल नै सारेको भन्दै आक्रामक रुपमा प्रस्तुत भएका पौडेलले यससँग सम्बन्धित रहेर प्रश्नको वर्षा नै गरेका थिए ।

‘पार्टी कार्यालयमा अनसन ११४ दिनदेखि जारी छ। कति दिन भाग्ने पार्टी कार्यालयबाट ? उनीहरुको माग सम्बोधन किन नगर्ने ? तपाईँकै जिल्ला डडेलधुरामा पनि साथीहरुले अन्याय भयो भनेर मंसिर १ देखि अनसन बस्ने भनिराख्नु भएको छ’, पौडेलको प्रश्न थियो, ‘यो अवस्थापछि तपाईँ किन गम्भीर हुनुहुन्न ? अन्य स्थानमा पनि कतिको नाम थपिएको छ, कतिको काटिएको छ । यस्तो अवस्थामा महाधिवेशन गरेर पार्टीलाई कहाँ पुर्याउँछौँ ?’

उनले अगाडि थपे, ‘साथीहरुको कुरा सुनिदिने र सुनुवाइ गरिदिने कसले ? कार्यालयका मुख्यसचिव आमा आईसीयूमा रहेको भन्दै अस्पतालतिर हुनुहुन्छ। क्रियाशिल छानबिन समितिका साथीहरु केन्द्रीय समितिलाई बुझाइसकेका छौँ भनेर पन्छिनुभएको छ ।’

गुनासो आइसकेपछि सम्बोधन गर्न नेतृत्व गम्भीर हुनुपर्छ । उनीहरुको माग सम्बोधन गर्न सचेत गराउँछु ।’ स्मरण रहोस्, देउवा प्रधानमन्त्री भएयता पार्टी कार्यालय गएका छैनन् भने पार्टीका बैठक निजी निवासमै गर्दै आएका छन् ।

रील माण्डुमा प्रकाशित सामग्रीबारे कुनै गुनासो, सूचना तथा सुझाव भए  हामीलाई  reelmanduofficial@gmail.com मा पठाउनु होला।

सेयर गर्नुहोस
  • 147
  •  
  •  
  •  
  •  
  •  
  •  
  •  
    147
    Shares

प्रतिक्रिया दिनुहोस !